بير اليمده قلم بير اليمده كاغاذ
گوزوم آغ صفحه ده
ندن يازيم بختيمين ياتماسيدان يوخسا اروه گيمين پارچالانميش ياراسي ؟
هر نه يه فيكير ائتسم نهايت فيكريم آزميش يولون تاپيب وسنه قاييدير
سن كي ووجودومو تسخير ائديبسن
سن كي منه رحم ايئله مه ييب وار ليغيمي اليمدن آلدين
وارليغيم نه دئمكدير ؟بير تك سن
باشقابير شئي يوخ بونو اينان
يازان :آيتن -اورمولو
اونودام گرک
سنی اونودماق اوچون اؤزومو اونودام گرک
بوتون آرزولاریمی ریشه دن قورودام گرک
سنینله جورله میشدیم گله جک ده کی دونیامی
ایندی کی سن گئدیبسن دونیامی اوچودام گرک
نینییم اولموری فیکریندن آیریلا بیلمیرم
سندن آیریلماق اوچون بینیمی یودودام گرک
سنی چوخلی سئویرم ، سنسیز یاشایا بیلمیرم
سن سؤیله بو احساسیمی نئجه دوردودام گرک ؟
سنییدین حیاتیمین تک دادی دوزو معناسی
سنسیز من عومرومو حرام ائدیب تورشودام گرک
اوندا کی سن گلدین ، اولو جیسمیمه جان گتیردین
سنه جان بوشلویام ، حسابیمی دورودام گرک
شاعیر : وحید شکرزاده
خطا یاپدیم اورک ایندی پشیمان دی باغیشلا سن
بو پیس ایشدن منیم گؤزلر ده گیریان دی باغیشلا سن
نئچه گوندی یوخوم یوخدی چؤرک گئتمیر بوغازیمدان
پشیمانام حالیم دا چوخ پریشان دی باغیشلا سن
اؤزون یاخچی بیلیرسن کی سنی من چوخ سئویرم یار
گوناهکارام گوناهیما کونول یاندی باغیشلا سن
منی عفو ائیله مه سن یار اگر ریضوان دادا اولسام
خداوندین بهشتی بیل کی زیندان دی باغیشلا سن
منیم جانیم سنی سئودیم سنه جاندان ئورک وئردیم
داحا سنسیز منیم دونیام دا ویران دی باغیشلا سن
بو هیجران دان بیر اُود دوشدو آلیشدیردی وجودومو
منیم آرتیق موجازاتیم بو هیجران دی باغیشلا سن
شاعیر : وحید شکرزاده
یاندیر منی ای شمع جفا پیشه ، کی پـــــــــــروانه منم
اُولدور منی سن قاشـی کامان وصلیوه بیگانه منم
اُولــماز سنه تای دونیادا ظالیم ، کی گر اولسایدی اینان
ایستردیم اونی تا بوله سن ، عاقیل فـــــرزانه منم
ایشدیر منه اُوز وصلیوین اُو جام شرابین گـــــــــــــوزلیم
تا کی گــــــــوزللــــــــر بوله لر دونیادا بیر دانه منم
شـــــعر اُوروسو اُولدی نصیبیم ، اُو دَلی جیران سوزونه
آمّا سویرم من اُو قـــــــــیزی چون دَلی دیوانه منم
لـــــــــــــــــیلا آلیب آخر اَلینه کونلومون اَفسار ساپینی
یوخجا کی بوگون دونیادا مجنون کیمی افسانه منم
هر کیمسه ده بیر قیسّا عقیل اُولسا بولَر من نه دئدیم
پس ایندی گوزل ، سویله نییه عاشیق جانانه منم؟
آنــــــــــــــا جـــــــــــــــــان
آی آنا جان هارداسان آخر سیله سن گوز یاشیمی
سویله نئجه من اُوودوم اُؤز باجیمی ، گارداشیمی
من اُو زامان غمگین اُولاندا ییخیلاردیم دیــــــــــزیوه
ایندی کیمین دیــزلرینه سویله قویوم من باشیمی
آنــــــــــــــا
آی آنا جان سنین تایین تاپیلماز
یاخجیلیغین شعــــره گلیب یازیلماز
دونیـــــانیدا اللریمه قوی سالار
سنسیز آنا بیر شاهی دا ساییلماز
آنا
قالمیشام یالقیز آنـــــــــــا گل دادیما
هئشکیمیم یوخ سن یئتیش فریادیما
سن گئدن گوندن گوزوم یاشدی آنـا
ته جه بـــــیر دفعه ده گل ایمدادیما
بو احـــواله گــــولــــــرلـــر
گئجه گونوز واخت به واخت
برق اوینــــاسا گــــولرلـــر
***
بوز باش چوخدی تیلته چال
بوخــــاریـــــزا فــیلــــته آل
اعتبــــار یــــوخ بو بـــــرقه
چیـــــراغلارا پیــــلته ســال
***
عــــزیزینـــم آغــــلامـــــا
اوره گــــیمی داغــــلامـــا
گئــــجه ایلــــی یاریمـــدا
برقیــــز گئتــــسه آغــــلاما
***
عـــزیزینــــم آغــــلامــــــا
بو برقـــــه بئــــل باغـــــلاما
چراغ گــــازین یوخ تـــوری
اونی تورســــوز ساخــــلاما
***
بیرئید آلـــدیم دوغاجــــاق
یئر ســــاتانی بوغــــاجـــاق
تـــــورّم حـــامــــلــــه دی
گئـــجه بالا دوغــــاجـــاق
*************
دوز بئـــش آیـــدی اسیــــرم
چـــوخ ده آغــــاج کسیـــرم
تــــورّمــــون قـــــارشیــــندا
دیـــریــــن دیریـــن اسیـــــرم
***
فــــیریلــــداق ایشی بوللمـــه
داشـــــلارا باتمــــیر گوللـــم
حــــدده ن آرتیــــق یازیلـــسا
ســــولازین فیــــشی بوللــــم
***
شرفیــــنن یاشـــــــامـــــاق
نراوغــــولـــوان ایــــشی دی
ســانجـــــی ن دان آدالـــــی
بو ســــوگــــازین فیشی دی
***
عزیــــزیم فاب تاپـــــیلمیـــر
بوعکــــسه قاب تاپـــیلمـــیر
بارالاری تیـــــکمــــــاقــــا
یوغــــــون بیر ســــاپ تاپیلمیر
***
عزیزینــــــم دویـــــی جــــان
چــــــوخ باهــادیر دویی جان
هر بایـــرامـــلان بایــــــرامـــــا
ییه جه ئیک دویی جان
************
شـــــورالارکــــی یاتیــــری
شهـــــرداری قــــــــاتـــــیری
آلــــــچاق دووار تاپیلــــــماز
گوجــــــوم سنه چــــــــاتیری
***
توکـــــان تاپیـــن یولدان قوی
هم ساغــدان هم سولـدان قوی
ماشینـــان یـــــئر قالــــمـــــای
گونگــــی لن بیر گولـدان قوی
***
مسکــــن وامـــی کسیـــــلدی
چـــــوخ امیـــدلر کسیـــــلدی
زندگــــانلـــیق خوش گئچیری
نه یـــــه هامــمی کســــیلــدی
«پیر پاره دوز»
گونده منه باش ویران ایندی منه داش ویریر
ایندی منه داش ویران اوزگه لره باش ویریر
اوزگه اگر داش ویرا دردینه دوزمگ اولار
باخ بورا سوز بوردادی داشلاری یولداش ویریر
**********************************
سن يولونو دييشديردين بير سحر
منيم يولوم، سنين يولون دئييل کي
بو هيجرانا دوزه جه يم بير تهر
دوزه جه يم، هيجران اولوم دئييل کي...!
*******************
داشی ساللام باشینا
****************
عربلر آی عربلر
آیاغیندا جورابلار
عربه یورد وئرمه یین
عرب یوردو خارابلار
آپاردی تاتار منی
قول ائده ر ساتار منی
یاریم وفالی اولسا
آختاریب تاپار منی
بوردان بیر تاتار کئچدی
اوخونو آتار کئچدی
غم گلدی، غم اوستونه
گون گونده ن بتر کئچدی
لایلای بئشیگیم لایلای
ائویم-ائشیگیم لایلای
سن یات شیرین یوخودا
چکیم کئشیگین لایلای
قوربانون قوزی اولسون
قوزونون یوزو اولسون
قوزودان قوربان اولماز
قوی آنان اؤزو اولسون
بو داغلار اولو داغلار
چئشمه لی سولو داغلار
بوردا بیر ایگیت اؤلموش
گؤی کیشنه ر بولود آغلار
عزیزیم، بادا گئتدی
یئل ووردو بادا گئتدی
دوشمن بیر ایش ایشله دی
گنج عؤمروم بادا گئتدی
گؤیلر بولودلو قالدی
قوشلار اومودلی قالدی
آچاری یار بوینوندا
گؤنلوم کیلیدلی قالدی
آتیمیزی قوشالیم
داغی-داشی آشالیم
سن یاغیش اول، من بولوت
یاغارکن قووشالیم
فلكين ايشي دوشسون
آغزيندان ديشي دوشسون
اونوندا منيم كيمي
نامرده ايشي دوشسون
فلكين قهري منه
گلميري رحمي منه
دولدورور غم باده سين
ايچيردير زهري منه
فلكين داد اليندن
اولماديم شاد اليندن
ياپيشايديم ياخاندان
چكييديم داد اليندن
باشيندا دومان وار
اوره يمده غميم وار
منه جانيم دئيه ن يار
ايندي سانير مني ياد
شاليم قارا بوياندي
اوجو يئره داياندي
منيم آه وناله دن
چرخ فلك داياندي
عزيزي يم بو يارا
گئدر قالماز بو يارا
دوستا ياد دئمه ك اولماز
دوست هارا دوشمن هارا
گوزوم قالدی او قاشدا
او کیپریکده او قاشدا
مجنون تک دلی گویلوم
گزیری داغدا داشدا
من عاشیقم اهیم دیلر
گوز یاشیم اهین دیلر
یار ایله کئچن گونر
اولایدی اه ایندیلر
آراز اوسته بوز اوسته
کباب یانار گوز اوسته
گوی منی اولدورسون
دانیشدیغیم سوز اوسته
آغ الما قیزل آلما
تاقچایا دوزول آلما
بیلسئدیم یار گوندریب
ساخلاردیم یوز ایل آلما
آبی دونون آستانا
کهلیک گیریب بوستانا
قور خورام یاغیش یاغا
قارا تئل لر ایسلانا
یار قاپینی آچیبدی
نیه رنگین قاچیبدی
دور گل، بیزیم باخچایا
گور نه گولر آچیبدی؟
داغ باشینی ساری گؤردی
گؤز قامشادی تار گؤردی
جفاسینی من چکدیم
صفاسینی اغیار گؤردی
داغدا دومان یئری وار
قاشدا کمان یئری وار
بیر جوت نار ایتیرمیشم
سنده گمان یئری وار
الیمده علمیم وار
قیزیلدان قلمیم وار
یاخیندان گوره نمیرم
اوزاقدن سلامیم وار
باشیمدا کلاهیم وار
سنین تک پناهیم وار
گوزگوردی ،گویول سئودی
منیم نه گناهیم وار؟
سؤزی سؤزدن آلان وار
زولفون اوزه سالان وار
گئدیرسن تئز قاییت گل
گؤزی یولدا قالان وار
حیط لری گولبسر
ایچینده گوللر اسر
من سنی چوخ ایستیرم
سن منی بیر مختصر
داغلار باشی قویون دیر
آی قیز بو نه اویون دیر
سنه موشتولوق وئریم
آچیلان آی تویون دیر
دردیوی دئ بیله نه
ایش باشینا گلنه
سیریوی دئمه کونلوم
هر اورویوه گوله نه
اوزه رلیک سن هواسان
هر بیر درده دواسان
درد قاپیدان گلنده
سن باجادان قوواسان
قاشلارین قیبله گاهدی
قیبله دئسم گوناهدی
داغلارا دومان چوکسه
اوداغ من چکن آهدی
عاشیق سؤزون گیزله در
سؤزون دوزون گیزله در
سن چمنه چیخاندا
لاله اوزون گیزله در
گؤزلرین خومار ایندی
یاش توکر یومار ایندی
توک زولفون سینن اوسته
گورن نار اومار ایندی
آچیلارام گول کیمی
اوخویارام بولبول کیمی
گویولومه دگن اولسا
ساراللام سونبول کیمی.
اولسون سنه جان قوربان
ای گوزل آذربایجان
سن سن منیم دیلبریم
اولماز سنه تای جانان
باغچا میزدا قویی وار
سرین - سرین سویی وار
بیر دانا یار سئومیشم
گوزل حالی- خویی وار
عزیزیه م آلما یار
ائوده یالقیز قالما یاز
ال منیم ، اتک سنین
منی گوزدن سالما یار
عزیزیه م، گوزوم یار
الیم سندن اوزوم یار
وعده وئردین گلمه دین
قوجاخلادیم دیزیم یار
من عاشیغام، هر آیلار
هراولدوزلار، هر آیلار
باشیم جلاد الینده
دیلیم سنی هایلار
قارا دنیز قارادی
اوره ییمیز یارادی
بو آمان سیز یوللارین
سونو گؤرون هارادی
باغیشلا سن
خطا یاپدیم اورک ایندی پشیمان دی باغیشلا سن
بو پیس ایشدن منیم گؤزلر ده گیریان دی باغیشلا سن
نئچه گوندی یوخوم یوخدی چؤرک گئتمیر بوغازیمدان
پشیمانام حالیم دا چوخ پریشان دی باغیشلا سن
اؤزون یاخچی بیلیرسن کی سنی من چوخ سئویرم یار
گوناهکارام گوناهیما کونول یاندی باغیشلا سن
منی عفو ائیله مه سن یار اگر ریضوان دادا اولسام
خداوندین بهشتی بیل کی زیندان دی باغیشلا سن
منیم جانیم سنی سئودیم سنه جاندان ئورک وئردیم
داحا سنسیز منیم دونیام دا ویران دی باغیشلا سن
بو هیجران دان بیر اُود دوشدو آلیشدیردی وجودومو
منیم آرتیق موجازاتیم بو هیجران دی باغیشلا سن
شاعیر : وحید شکرزاده
منه مجنون دئمه ليلاني پريشان گورورم
سئوگي درد ايله يانان دلبري حيران گورورم
منه فرهاد دئمه گل داغلاما شيرين اوره گين
چونكي فرهادميزين درديني هجران گورورم
منه وامق دئمه عذرا اوره گي قانه دمنر
ساخلا عنوانيمي عاشيق لري نالان گورورم
منه واله دئمه بولبول گوله شيدا دي گولوم
بو چمنزاريده من سئوگيني سلطان گورورم
منه عاشيق دئمه گل داغلاما سئودا اوره گين
بو يانان كونلومه من سئوگيني درمان گورورم
آيريليق يوللارينين دونگه لرينين نه دئيم
كي بو يولدا هله چوخ گوزلري گريان گوورم
عاشیق مناف رنجبر خویون اوستاد عاشیقلاریندان دیرکی 1338- نجی ایلده سلماسین «وردان» کندینده دوغولوب دور. اونون اصلی سلماسدان اولسادا، اوزون ایللردیر خویدا یاشاییر و دئمک اولار ایندیلیک ده خوی شهرینین ساییلان صنعتکارلاریندان دیر.
عاشیق مناف لاپ او کیچیک یاشلاریندان عاشیق موسیقی سینه کؤنول باغلاییب آرزو دیلگی بیر گون عاشیق اولماق ایدی. اونون ایلک اوستادی عاشیق میرزهعلی اولوب کی سلماسین «چؤچهمیش» کندینده یاشاییردی. سونرالاردا عاشیقلیق صنعتی نی کامیل لتمک ایچون رحمتلی عاشیق درویشین خیدمتینده اولوب چوخلی داستانلاری و ساز هاوالارینی اونون یانیندا تکمیللش دیریب. عاشیق منافین رحمتلی عاشیق اصلان طالبیدن اؤیرهندیکلریده چوخ اولوبدور و اؤز دئدیگیکمی «افرزو و معصوم» داستانینی عاشیق اصلان دان اؤیرهنیب دیر.
عاشیق منافین جوشغون شعر طبعی واردی کی شعرلرینی «محمود اوغلو» تخلصی ایله دئییر و اونون شعرلری چوخلی عاشیقلارین دیللر ازبری دیر. عاشیق مناف 1364- نجی ایلدن شعر دئمهیه باشلاییب دیر و نئچه دفتر شعری واردیرکی بو گونهجان اونلار کیتاب شکلینده چاپ اولوب یاییلماییب لار.
عاشیق مناف آذربایجان عاشیق داستانلارینین چوخونو اوخویوب سؤیلهرکن کاسئتلره ییغیب دیرکی آذربایجانین چوخلی ائل- اوباسیندا بو کاسئتلر یاییلاراق عاشیق منافین شؤهرتینی آرتیریبدیر. اونون کاسئته ییغدیقی داستانلاردان «شاه اسماعیل» و «بئجان اوغلو» نو آد آپارماق اولار.
عاشیق مناف شعردن باشقا یئنی عاشیق داستانلارینیندا یارادیجیسی اولوبدور و اونون «حسن له صیاد» داستانی بیر داستاندیر کی اؤزو قوشوب یارادیب دیر. عاشیق مناف خویدا یاشایان آدلیم عاشیق لاردان آد آپاردیقدا سازدا و سؤزده عاشیق غلامرضا اژدری و عاشیق یحیی دمیرچی اوغلونو سئودیگی عاشیقلار آدلاندیریر و «عاشیق علیرضا اباذری»نی سس ده لاپ قدرتلی عاشیق بیلیر. بو گؤرکملی عاشیقدان بیر دیوان شعری بیر لیکده اوخویورق:
ایلقار
چوخ دولاندیم بو دونیانی بیر عدالت یوخدی یوخ
نه حق واردیر نه ده دیوان دوز قضاوت یوخدی یوخ
هاممی دئییر حق مننن دی گوناهکاری گؤرمهدیم
ایلقار نه دی ایمان نه دی پاک صداقت یوخ دی یوخ
اینسانلیقا بو بازاردا داها قیمت قالمادی
گؤیوللره لکه دوشوب دوغرو نیت قالمادی
غافیللردن سؤز ائشیتدیک خوش نصیحت قالمادی
قان سویویوب همت اؤلوب دای سخاوت یوخدی یوخ
شاشقین اولوب دوز فیکرلر شیطان بیزدن باج آلیر
دوزتر پشهن آجدان اؤلور اَیری گونده اوزالیر
فتنه فساد جوانلاشیر انسانیت قوجالیر
مردانهلیک مردلیک دن بیر علامت یوخ دی یوخ
«محمود اوغلو» سنده داهی اؤز حالیندا قالمادین
اوزون آرزو قیسا عؤمور دوغرو کامین آلمادین
چرخ دولاندی گونلر کئچدی ایسته دیگیم اولمادی
رحم ائیلهییب أل دن توتماق بیر مرحمت یوخ دی یوخ
ياغيش لي بيردلي گئجه ده كي اولدوزلار سني گؤرمك اوچون يئره كؤچورموشدور لر بيليم
يوردوندان ائشيگه چيخيب چتيري باشيم اوسته
آچان آندا سنينله اوز اوزه گلديم .
سنين كيتابلارين يئره دوشموش گؤزلين باخيردي من كيتابلارين توپلاييب و بير سؤز دئمك ايسته
ديم آمما ديليم باغلاندي ...
من سني بير گئجه سئوديم حسابسيز .
قوجاغيم سينير سيز بير داغلا برابر دويغولاريم صبيرسيز بير اوشاق كيمي گوباهسيز .
ياريم سننده سئوه بيليرميسين مني سني سئوديگيم كيمي ؟
اؤرگيمه توخون باخ ارداسن وارسان .موتلولوك نه دير دييه سوروشسالار .من دئيه رم تكجه
سن .سسين گؤزلرين اللرين سونراتيتره
ین دوداقلارين سن منيم هر شئييم سن.
سن سيز نه يه بنزر بو آي بو گونش چيچك لر آچارمي سن اولماسان؟ كيم آيدين لادار گئجه مي
گؤنوموكيم پايلاشار .كيم سانار
درديمي .گئتمه بير از داحا قال .گئتمه .....
سنين گئتمه يين مني داريخديرير برابر بيلديك سئوديكلريميزي برابر اؤيرديك سئومكله ياشاماقي .
باخ گونش لر دوغدوبيزيم بوسئودا اوچون يولوموزا بگونيالار سريبدي هر كسه سني آنلاتماق
ايستيرم سني تانيتيرماق سني سويله مك شعر
لريمده .
سن اولمالي سان اؤرگيمده .
من سني سئومگي سئويرم بوبير اعيراف دير .
سنين عشقين اولماسا منده يوخام .
سن سيز حزن لر ياغار گئجه لريمه روحوم دور ماز بدنيمده قورموش داغلارا دونر اؤره گيم
سوسوز چؤللره .
گئجم سن سيز بيتمز من اؤلورم گئتمه .
گئتمه قال بير آز داحا ايمانين وارسا آللاها
