آراز
آراز
يئنه گلدي بير دوست كيمي
سوراغينا كونلوم آراز .
قارداش كيمي اوز درديمي
سنين ايله بولوم آراز
*********************
ياشادير آرزولا ر مني
سئومه ميشم هر يئتني
ياري بولوب بير وطني
ايله ميسن ظولوم آراز
***********************
اوگون كه سن اولدون حريم
كدرلندي شن سحريم
آنام دئدي واي جيگريم
اولدوديليم ديليم آراز
**********
آراز كونلوم ويرانه دير
غم اودونا نيشاندير
من دردليم چارم ندير
چون باغليدير ديليم آراز
**************
آرزوم بودور ازل گوندن
آجي كيمي ئوتوم سندن
بير انادان بير وطندن
الهام آلسين ائليم آراز
************
اوتاييندا گوزوم قالدي
دئيلمه ميش سوزوم قالدي
ديللنمه ميش سازيم قالدي
ساراليبدير گولوم آراز
************
اولدوز لاري سايا سايا
انسان اوچوب قوندو آيا
منيم بو تايدان اوتايا
يئتيشمه ئير اليم آراز
*************
آمان آراز باتما قانا
آزاد كئچيم من اويانا
مژده وريم سليمانا
گوز ياشيني سيليم آراز
*************
آمان آراز دايان باري
قوي اريسين هجران قاري
من كورپو سوز اوتايلاري
بلكه گزه بيليم آراز
************
خيالاريم اوتايندا
آرزولاريم بو تايندا
ئوركيمين سارايندا
وار درسنه ميليم آراز
************
آراز چاغيرديم آديني
ائللر آلسين مراديني
سونرا چاپسين اوز آتني
سينم اوسته ئولوم آراز
************************
صباح حكمون وئر زمان
مشگللريم اولا رآسان
هم شيرين سن هم آجيسان
آخي سنه نئليم آراز
****************
ائتايندا قارداشيم وار
سولاريندا گوز ياشيم وار
سنسيز نئجه گولوم آراز
*****************
كئچكلرين درين درين
تيكانلدير ساحللرين
يوردونا دوغما ائللرين
سويله نئجه گليم آراز
**********************
ناكام ئولسم دوستلار گلسين
قبريم اوسته دينجه لين
دئين آراز دوستلوخ الين
آچيب منده بيليم آراز
**********************
هاشم ترلانين آلوولو شعرلين كه انقلابدان بير يكي ايل قاباق يا سونرا دميش دير
